ما أروعك..
تمد لي يدّك
توسّل صحبتي
تطلب صداقتنا مثل مسكين !
ما أبشعك..
تكبر،
و تمسك في يدك سكّين !
فهد عافت

أمي تسولف عن وطن ماله حدود
كبرت شفت إن الوطن كانت أمي

بدر صفوق

يامولاتي …
حين رنين الضحكة يعلو
أهدأ لثوانٍ .. أتأمّل
أبحث خلف الضحكةِ عنّي
وأضيع ..أضيع ولا أسأل
ياسرالأقرع

اشرب وشاهد صورتك بالماء
قبل تجف مرايتك شفها
لا تحسب ان الفاتنه سلمى
دايم وهي تغري سوالفها

ضيدان المريخي

لأنته ولاغيرك بيلغي وجودي
أما تحت هالأرض ولاّ عليها
الأرض هذي أرضنا يايهودي
ابندفن فيها وبأعيش فيها !
عبدالرحمن الرويس

المطر صار مكتشف الفساد
لايجامل ولاياكل زلط
لويجامل دمر كل العباد
وكان في بيوت خلق الله قلط
صادق كل يوم في بلاد
وكل ساعة وهو يكشف غلط

علي البورعي

أصلًا عادي
أخسر نفسي وإبن إبلادي
وأتمتم لـ الوحدة خوفي
وتموت النخوه في جوفي
لن اليسمع
عادي عنده
موتي وأحزاني
وميلادي

موضي العصيمي

حبيبي تعال و لبّس الصبح خيرك
أنا والغرام اللي يدور فمدارك
فقدنا صباح الخير في صبح غيرك
وشبنا وشاب الصبح تحت انتظارك
نادية السالمي

جرب تكون الملعقة،
فـ بيالة الشاهي.
وتدور!
بيد من الزمان
وحلمك السكر
يذوب!
بلا ذنوب…؟
وتنرمي،
وأطراف حزنك ساخنة،
والمجتمع… لآهي!
فهد الخلاوي

سلام
وناس تنام
وناس مالقت
مرقد ثلاث أيام
وعين تودع الفرحة
وعين تعانق الأحزان
سلام الله على الأوطان
صالح الشادي

من رفعها واختفى بين السنين
عقب عينه ماينزلها أحد!
من تلقفها وجع يورث حنين
استوى في عينها فرش ولحد!
الخنساء الصغيرة

اجلسي ياملاكْ،
اجلسي هاهنا،
أوْهنا،
أوْ تعالي ارسمي
وجهَ نهرٍ هنا،
أوْ تعَالَيْ على غيمِ
حلمٍ هناكْ
محمد جبر الحربي

هِيَ لا تقولُ:
الحبُّ يُولَدُ كائناً حيّا
ويُمْسِي فِكْرَةً.
وأنا كذلك لا أقول:
الحب أَمسى فكرةً
محمود درويش

إن كنت أعز عليك ..
فخذ بيديّ
فأنا عاشقةٌ من رأسي ..
حتى قدميّ
إني أتنفَّسُ تحتَ الماء
إنّي أغرق
أغرق
أغرق
نزار قباني

حاول ، و لا تبرر
يأسك هو الجاني
من حزنك / تحرر
و طير لـ فرح ثاني
سلمان البلوي

أول أتابع ما كتبته .. وهالحين !
معاد يعنيني وش اللي كتبته !
خذ راحتك بـ اللي تقوله وبعدين
تأكد ان اسمك بكبره شطبته !
تذكار الخثلان

بيني وبينك على المرقاب صادق وعد
ان جيت قبلي لقيتك وان سبقتك تعال
يفداك من لاعرف وجه الطريق وقعد
عينه تخيلك ولاله بالوصول احتمال
صالح الرشيدي

مانسيتك..والقلم حبره جمد
في( معاريض )الخلايق للغرام
إنت قلب ينكتب له يعتمد
وينكتب لقلوبهم حسب النظام
محمد الذرعي

مال عوده …… ومال القلب بيديه
وملت كلي علــى شـاطي حنــانه
قلت لـيــلٍ يضفّك وين اوديه ؟!!
قــال خـلــه يخيّم فـي مـكــانـه
راشد فارس

من البارحة والصدر يغتابه الوسواس
وعرّاف جرحي وين مارحت يتبعني
يقول المسافر للمسافر وجوه الناس
تودعك والا ياصديقي تودعني
وصوتي زرعته ذاكره في مهب الياس
لعل البعيد اللي ورى الياس يسمعني
ردة السفياني

كسر خاطري هذا الطفل ياوجيه الخير
يتيم بكى للدرس والناس تشمت به
معلمه خبل لوتدارى عن التقصير
يصوره..ودموعه تهاوت على كتبه
تعلم..تعلم..ياوليدي وبكرى صير
على هالبشر تاج وعلى الراس لك رتبه

ابراهيم العازمي

من إنتظاري أحتظر
وللحين أنا ودي أعيش
على أمل يمكن يمر
واقول له هالبُعد ليش ؟!..

بدر العتيبي

الرجال الها براهين وتجارب
ومعرفة رؤوس الرجال أكبر تجاره
لا تحسب المرجله لحيه وشارب
كم لحيه فوق راعيها خساره
عيضه الثبيتي

الأرض لاضاقت مساحتها عليك
وخُطاك ضاعت في متاهات الحياة
وان جفّ غيمك وأجدبت تُربة يديك
أسجد بهمّك فوق سجّادة صلاة

عبدالمجيد الزهراني

اخذت منك الشوك واهديتك الورد!
يعجبك اعيش العمر منك متضرر؟
خليتني .. لليل والهم والبرد !
اصلا غيابك ليه؟..ماله مبرر!!
غلاب بن عايض

من يتم الاطفال لجل المطامع
مايعجز الله من البسيطة يزيله
الحال واضح والشهود المدامع
يارب نصرك والسواعد هزيله

هليل المزيني

« رموز «
وتْركَت لي في رسالتها كذا :
( ! )
يعني تعجّب ..
واستشاط الحب :
في قلبي ..
وسجّلت الفواصل ( ،،، )

سالم عقاب‏

مد لي جســـــرٍ من الود وابني لك
من حناني دار واطفي لظى نارك
عطني الفرصة من جروحك اشيلك
وامسح دموعك واناصفك باسرارك
علي المفضي

يالله مع هذا المطر والنسايم
فرج على غزة وفرج على الشام
وانصر عبادك بالعمل والعزايم
وارفع منار الحق بسيوف الاسلام

عبدالله سعيد الحارثي

ان كان بك همٍ يضك الصدر ضك
اركه على القران خله يفكّه
مايشفي المهموم لاصار منتك
الا كلام الله من دون شكّه
وان كان هاجوسك بتال العشى دك
اربط حزامك وانحر لخط مكّه
لو جيتها وانت على صدرك بلك
والله لتنطلها بلكّه بلكّه
وشلون تبغى ضيقة الصدر تنفك
وانت قضيت العمر في صن واكه ؟!..
محمد المطيري

توضيح : هذا النص نسب للشاعر سعد بن جدلان والذي اكد بانه ليس من ابداعه فيما ثبت بانه للشاعر محمد المطيري بحسب تصريحه للزميلة ( سبق ).

الغيم ينسج خيوطه والعصافير
عذا لها في سما صبابتي رقص
ترعد وتبرق واحاسيسي نوافير
وكن اللغة ضاقت وبحروفها نقص
ابراهيم السمحان

مطر الروقي ..

رح سنه والاثلاث سنين وإلا اربع بكيفك
المهم آليا بغيت تعود لي تعرف مكاني
مالك إلا قلبٍ اخضر يحتويك ويستضيفك
وانت ربّع فيه بلحالك وتحرسك المحاني

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=0 line=200% align=center use=ex length=0 char=\"\" num=\"0,black\" filter=\"\"]
افرح بنغمة رسالة وارده = لكني اقرا لغيرك واحتريك
كل الرسائل عديمة فايده = إلا رســالة تطــمني عـليك
[/poem]
عبدالله الطلحي

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=0 line=200% align=center use=ex length=0 char=\"\" num=\"0,black\" filter=\"\"]

يابلادنا يوم توحيدك = له شان عند الوطن كله
ربي من العزه يزيدك = ويحفظ لنا فيك عبدالله
[/poem]
المحرر

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=0 line=200% align=center use=ex length=0 char=\"\" num=\"0,black\" filter=\"\"]
يابلادنا حبك لنا امر مشروع = لانك الاغلى على ارض الوسيعة
لك الولا من عصر الاجداد مزروع = ولك الغلا في قلوب شعبك طبيعة
[/poem]
هليل المزيني