شعر- عبدالعزيز منصور الحربي ..
لو اشتكي من جـور صلفـات الايـام
اللـي تشتـت مـن عيونـي نظـرهـا
مـا أظـن توصفهـا القصايـد والاقـلام
وانــا القـوافـي عـايـمٍ فــي بحـرهـا
اتـــوه فـالـواقـع وافــكــر بــالاحــلام
اللي من همومي لجرحي سفرهـا
سبايب اللي كاسبه شـوق وهيـام
راحـت وانـا فـي كـل يـوم انتظـرهـا
راحـت وانـا مانـي تماثـيـل وحـطـام
راحــت وجـرحـي لاتنـاسـا ذكـرهــا
راحـت وانـا للحـب فــارس ومـقـدام
ومثـلـي اذا راحــت بقـلـبـه قـبـرهـا
ياليت لو جدواي فـي عـض الابهـام
وياليـت لـو يجـدي مطـالـع صـورهـا
مزون دمعي تشبـه لضحـك الايتـام
مـن صدقهـا ينبـت بصـدري مطرهـا
ماقوى على النومه اذا جيـت ابنـام
عيني لنجم الصبح تشكي سهرها
والحـب لــو انه خـرافـات و اوهــام
مـاكـان بهذلـنـي وحـالــي دمـرهــا
مالومـنـي منـظـام منـظـام منـظـام
وانا اشهـد ان الـروح جابـت خبرهـا
