ياصباحات الغرام العذبه
والحنايا بالغلا ممطورة
لاتقول ان المحبه كذبه.!
علمتني بحبك العصفورة
نوال

على جدارية…الأحزان
وفعز جرح الفراق الصعب
جسد مصاب الوطن..فنان
عبرعن احساس كل الشعب

عبدالرحمن عايش الدميخي

انحنى ظهرك
‏لجل يعلى وطن
‏ياعسى مثواك
‏جنات وعدن!

الخنساء الصغيرة

هلال المطيري
كثر ماالكلام نحس له في الصـدور إغـلال
كثر ماالغضب يلبس من اقصر رضاه سمول
لو الحـزن دمعـه مالقينـا السنيـن ثقـال
غفرنـاه حتـى لايصيـر الفـرح مقتـول

لله وحده تنحني وجيه ورقاب
ياحظ من سبح بحمده وعلاه
إن ماتعظنا من مغبات الأسباب
مافاد للإنسان غيه وسلواه
هليل المزيني

حان الأجل رغم الجهود الحثيثه
تتعدد الأسباب والموت واحد
يارب .. ترحم كل ولف ووريثه
محد لفضلك فى المخاليق جاحد
هليل المزيني

قبّل يديهـا..كل ما يبـزغ الضي
هاذي زَلال المـا..وناسك هَمـاجه
يكفيك:خلق الله تحبّك لجل شي
و(أمّك)تحبّـك ما تبي منْك حاجه
محمد الذرعي

مطرالروقي
من يحقر الناس يأتي يوم وتشوفه محقّر
ومن يهاب الناس تبقى هيبته ماحدٍ قربّها
ودمعة الطفل الصغير ودمعة الشيخ المؤقّر
ودي امسحها بيمنايه وادور عن سببها!

الحبل نفس الحبل
أصله وفصله مِنْه
بس كان (سرِّي) قبل
والحين مُعلن عنه
محمد النفيعي

مطر الروقي
الصف واحد ياخفافيش الظلام
وحدة وطنا ما تزعزعها الفتن
يبقي علمنا مرتفع فوق الغمام
باعدل ملك واكرم شعب واغلا وطن

جده من أمطارنا شاخت
ماهي العروس التي نخبر
الناس في حفارها ناخت
مافادنا في رجاها الصبر
هليل المزيني

مريم الزعبي
تعال ليل المطر يغري
للعب والركض واللمّه
وأشواقنا عذرك وعذري
والشوق لا ثار ماهمّه
وإن كان شوقك ماهو كثري
خلّ الطفل يسري لأمّه

عصر الجهل ياعازف العود ولّا
شبنا وشاب القاف ياعازف العود
زل الطرب من بعد ما خذ وخلّا
خذ كل شي وباقي الجرح موجود
عبدالله الطلحي

الحياة شجرة وابشر أغصان
والعلاقات الورق،
بعضها أصفر وبعضها يابس
وأخضرها منهم الإنسان
محمد صلاح الحربي

في الحزين من الكلام..
يغفي سربٍ من حمامٍ
أوقطا..
في الحزين من الكلام..
وده العاشق ينام..
الله لو يلقى :غطا!

طلال حمزة

عمر الغلا ماصار له سن محدود
وعمر الوفاء ماصار دون المبره
واكبر دليل الي على ذمة العود
كبرت وهي للحين … ثوبه تزره
عقاب الروقي

محمد النفيعي

حتى لو خانك جهدْك
والكبر فـ السن زادك
الولد هذا ولدْك
والبلد هذي بلادك