(حادي الركب)

فتاة تهامة- دبي
لأول مرة تشاركنا الشاعرة (فتاة تهامة) من خلال هذا النص المميز والذي خصت به(ملامح صبح)،أقرأوها لتستمتعوا بشعرها حيث تقول:
لابان نورالصباح يصيح بي صوت المووايل
لاخر مدى للـشعاع المختبي فاطراف مينا
يحتال فيني وانا صدري بحر وعيوني النيل
ما مر من مركب الأمال ما صافح يدينا
وش عاد لو لوّح الطرقي على درب المراسيل
البعد ينشر ظلامه فالدروب ويحترينا
ياما وقـف صوت من يطرد لميع الجدي وسهيل
في ساعةٍ من دقايقها شبعنا وارتوينا
لو ياخذون السهر عنّا ليا طوّل بنا الليل
ماكان صاح الحنين لوصـلهم ولا بكينا
ولو حن قلب الزمان ولاجهلنا في المقابيل
مالاح برق الفراق بسـطوته حتى سرينا
اللي بقى من حنيني شفته امع الدمعة يسيل
ياحادي الركب لا تسـرع بركبك لامـشينا
عيني عـلى دارهـم واعروق قلبي حزّها الويل
والشوق يغشا الضمير ومن عذابه ما حكينا
جاذبت فيـهم طروق الوجد واقناد الفناجيل
وقهويت صبري غـلاهـم لين راحـنّ السنينا
ما مّل صوتي يناديهم بنبرة تكسر الحيل
حتى بنى الشوق بيته فالخفوق ولا نـسينا