بمناسبة نجاح العملية الجراحية لصاحب السمو الملكي الامير عبدالعزيز بن فهد آل سعود حفظه الله والتي كانت في مستشفى التخصصي بجدة وتكللت بالنجاح بحمد الله وفضله أسأل الله ان يتم عليه الصحة والعافية .
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
أمسى (المرض) خاطره مكسور = يبغى البقا ماتهيا له
وأضحى (الشفا) في هنا وسرور= بحله تسربل وترحا له
واستبشر الهاجس المأسور= في شوفته بأحسن أحواله
ابن الفهد والعَلَم منشور=في ذروة المجد مدهاله
(عبدالعزيز) وصباح النور= والخير والعافيه فاله
طهور ياسيدي طهور= أطهر من الغيم هماله
لانهل وأحيا الديار البور= وحادي العيس لا خاله
يشعل سنا برقه الديجور= وقاصف الرعد موّاله
وصبح البرد صافح البلَّور= وبشاير ابالخير فاقباله
من وجهك الطاهر المبرور= ذكرى الفهد: صوته أفعاله
حنكة فهد حكمته والشور= بُعد النظر فيه وأقواله
وقفته فالموقف المشهور= يوم العرب تطلب ظلاله
عزمه وفزعته ضد الجور=نهجه وفكره ومنواله
عطفه ومدته للمعسور =بشته وغترته وعقاله
مامات فهد العرب مذكور=في وجهك الصالح أعماله
ولخدمة الدين نعم الدور= عساه للخلد منزاله
[/poem]
الشاعر والناقد / ضمن السناني
