شعر – بنت المصيف
قـلـي الحقيـقـة مانـبـي هــم وجـــراح
خـل الـحـزن يغـفـى وتـغـرق جـراحـه
يامـا تجرعتـه.. وابـي الـيـوم يـنـزاح
أبــي السـعـادة والـفـرح وانـشـراحـه
وين انـت رايح؟..والعطـر تـو مافـاح
ترحـل وانـا فينـي مـن الضيـق بـاحـه
ماغيـر اسامـر لهفتـي وانـت مـرتـاح
والشـوق فـي صـدري تزايـد صياحـه
قالوا: علام الدمع من محجرك طـاح
قلت الحزن ماخذ فـي عينـي مساحـه
اللـيـل ويــش الـلـيـل دام الـفـجـر لاح
والقلـب لـولا الصـدق ماشـاف راحـه
واحساس هالعالم من اوجاع واتراح
كـنـي اضـمـه والـشـقـا مـــع نـيـاحـه
يعـنـي بــلاك ودونــك القـلـب ســواح
بـس أنــت بـلحـالـك قــدرت اجتيـاحـه
