لا تحاكيني ….

لا تحاكيني ترا مابي جلاده
وانت بحاتك تجيب العيد فيني
ساطيه تاخذ على سمعي سياده
مرة ٍ تغويني ومرةٍ تهديني
اح منها واه منها والافاده
بيحت بي وانبعت جمة كنيني
صارت ادماني ولا منها عياده
اتغلغل في فوادي وتحديني
وان فقدها مسمعي اعلن جهاده
واشتبك صدري مع جيش الحنيني
و الصدر يضيق من نبضة فواده
والفواد يزيد نبضاته ونيني
والحزن يكتض ويهد القياده
والقياده جيشها دمعات عيني
والهموم الكايده تاخذ رياده
تكتويني كل ليله تكتويني
جرحٍ بصدري عجزت القا ضماده
بحتك خلته في شعري يبيني
ذكرتني واحدٍ عشت برغاده
ابتعد والموت من بينه وبيني
يشهد الله مانسيته ف ابتعاده
ختم حبه خاتمٍ خيرة سنيني
ياربوعي اليوم مافيها رشاده
عن ضنيني لا يسار ولا يميني
افزعوا لي يوم غيباته عتاده
ردوا المزيون ردو لي ضنيني
واحدٍ ضيع فوادي في وداده
لجل عينه ماسلم مني هجيني
القصايد تندثر لعيون غاده
ولجل غاده ماكتبت الا سميني
الشاعر / متعب الوايلي