صوت الملام

[ALIGN=LEFT][COLOR=blue]شعر – وليد عبدالله [/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
تعب صوت الملام ولا بقى غيـر الشعـر راحـة=يـ.. قلبي لا متى تخنقني بنبض العتـب واللـوم؟!
أنا وش في يدينـي لـو سهـام الحـب ذبَّاحـه؟=أنا وش في يديني لو غرقت وما عرفـت تْعـوم؟!
عزاي إنِّي كثر مـا قـد رمانـي الحـب برماحـه=لغير اللي سكن بيـن الحنايـا مـا نبضـت بْيـوم
يعيش الحلم في صدر الأمـل لـو زادت جْراحـه=وأنا مهمـا صنعـت المستحيـل آمنـت بالمقسـوم
يـ.. قلبي والطريق اللي حرمنـا نـور مصباحـه=نهاياتـه بدايـة .. لا تطيـح بهـا تـعـال نقـوم
تعال.. وما يموت اللي.. شموخه دايـم سلاحـه=أنا وإن طحت بك شامخ .. ولو عشت العمر محروم
تعال.. وخلِّنا نحسـب رصيـد العمـر وأرباحـه=ترى حق النوايا البيض.. في هذا الزمن مهضـوم
مسافـات النصيـب اللـي كفوفـه دوم لـوَّاحـه=نحاول نختصرها لـو غـدا حكـم القـدر محتـوم
أمانينـا ولـو تجْـدب سنيـن العمـر.. فـلاَّحـه=رغم عثْرَة خطاويها بـ.. عادات / وقيـم / وسلـوم
يـ.. قلبي شاعرك دلّـة.. طموحـه دوم فوّاحـه=بـ.. دنيا ما عرفْنا وين.. ظالمها من المظلـوم؟!
يحاول يرسـم أفراحـه.. رغـم تلْوينـة أتراحـه=كثر ما يغسل هْمومه.. يصافحه القدر بـ.. همـوم
خَفَت صوت الملام ولا بقى غيـر الشعـر راحـة=يـ.. قلبي ما بقى فيني نبض بعد العتـب واللـوم!
[/poem]