[ALIGN=LEFT][COLOR=blue]شعر- عبير بنت أحمد[/COLOR][/ALIGN]
بعد غياب تتواصل معنا الشاعرة (عبير بنت أحمد) من خلال قصيدتها( خلني وحدي ) ومع شكرنا لها ندعوكم لتشاركونا قراءتها حيث تقول:
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
دخيلك خلني وحدي .. أبستفرد بأحزاني=أبستفرد مع اللي يفهمون القلب وجراحه
تغرك بسمتي لا جيتني مقبل على أحضاني=وانا اتبسّم عشان أمنع خفوقي يكـْمل صياحه
متى تفهم بأني لا أبتعدت أبيك تنســــاني=ولا تذكر سوى أني لا ابتعدت اكيد مرتاحه
ولا ْ تخاف انني أبعد الين الموت يلقاني=أنا لو كنت أهابه ما غفـَت في حضني اشباحه
لقيت العالم الوردي سراااااب و كذب وجداني=واعيش بكذبته علّ وعسى ألقى بها واحة
وكل ما مرني حلم ٍ عبث فيني و خلاني=بلا ليل وبلا صبح وبلا روح وبلا راحة
كذا عاثت بي الدنيا فساد وطيبي اشقاني=اذا ضاقت بها .. مديت عمري تفرشه ساحه
كثر ما كان لي صاحب اذا قفـّيت عاداني=وكثر ما كنت مرتع للألم، في باله سياحه
نقصني شي .. يفداه اكثر اللي لي ولا ارضاني=كأني طير دون اصبع صغير .. وكســّـر جناحه
مردّ أشدّ شـِّدة للزوال ../.. وثم تنصاني=كذا ما كني إلا الأرض والشدّات تفاحة
يقولون البشر \"صبرٌ جميل\" ويعقد لساني=وش آخرة الصبر دام الفرج قد ضاع مفتاحه ؟!
وجيت الحين تقطع خلوتي وتزوّد احزاني=دخيلك ما نقصني جرح تكفي قلبي جراحه
[/poem]
