حصير الوقت

[ALIGN=LEFT][COLOR=blue]سامي بافقيه[/COLOR][/ALIGN]

كل الملامح .. ع الطريق
والمصابيح القديمة
والثرى .. اللي تلحف
بدمعة الغيمة السقيمة
والوجيه مشققه
ماغدت ذيك الوجيه
بالجباه المستقيمة
فوق حصيرالوقت.. نجلس
تنتحر فينا الملامح ..
والسواعد والعزيمة
في كتاب العمر نقرا
من سوالفنا العتيمه
آه ..
يا دفتر سكوتي
آه ..
من دفتر سكوتي
من تعلمت الكتابة
صرت أدفن ..
فيك صوتي
صرت أدفن ..هالملامح
في تجاعيد الزمان
وأجمع أهات الاماكن
وتحتضر لحظة أمان