[ALIGN=LEFT][COLOR=blue]شعر – فاهد لويبان الرشيدي[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
قال:الأمل ليل،قلت :اب..انتظر فجره=ماشلت هم الغياب اف.. طول مشـواري
يوم إن خـد الفجـر ورّد مـن الحمـره=طعنت ظلمـة غـلاك وسالـت اشعـاري
ماني بمن يعجـزه بيـت الشعـر كسـره=حوريتي نـزف غيـم بصفحـة القـاري
جيتي وجاء الغيـم والهتـان والخضـره=واينع غصن هاجس الشاعر على اسواري
شميـت وردك وطـاب لخاطـري جبـره=واسرف بعطره بعد ما عـرف مقـداري
أنتـي ختـام الغـلا وبدايـة القـطـره=والوصل ليل(ن) غدا فتخومـه السـاري
تبقين شمعـة غـلاي وسيرتـك عطـره=رغم الغياب أنتـي اللـي يلهـم افكـاري
وأنك تساوين عنـدي عالـم(ن) بأسـره=لكـن حقيقـة ظروفـك واقـع اجبـاري
عطني للآمـال ظهـر(ن) يحتمـل وزره=واعطيك نهر(ن) زلال من الوفاء جـاري
وداعتـك يـا مـلاك الجـرح والعبـره=مركب هوانا .. لحالـي نـاوي ابحـاري
طيرالغـلا عظـم الله يالحبيـب اجـره=خله..لادام أنـت لا بايـع ولا شـاري
نصيت قلبي بعـدك ودقـي لـي صـدره=إنه يريـح ركابـي لا أوحـش الطـاري
والطيـر لا بعـد هـداده يرجـع لوكـره=الواقع المـر قسمـه مـن يـد البـاري
من يوم قلت :الرحيـل ، فراقنـا بكـره=هذي الحقيقـه وهـذا وجههـا العـاري
[/poem]
