[ALIGN=LEFT][COLOR=blue]شعر- قهر يزيد[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
تواجهنا مشـى عجلٍ وأنا وقفت أنادي له =ذهولي شل خطواتي ولا وضّح لي أسبابه
أبشكي له من أشواقي ومعها قلةالحيلة =وأبوصف له عذاباتي وأفاديهابرضاأهدابه
أبي يوقف يجـاوب نزفي الحـاير وياوي له =تكاثر فيني اللحظة وأنا عمري يتســـلّى به
أشوفه أبعد من الحلم وأقرب من تفاصيله =وأشـوفه حاضرٍ يملك عليّ الكــون بغيابه
مراسيلي بكل الصد تصدمها مراســيله =تطيربشوقها والحب ويقفل دونها بابه
أنا وردي وهوى نبضي عذابـــه في محاصيله =جنى من صادق الإحساس صنوف أوهام كذابة
أنــا اللي أكــتم الآهـات في لاهي مـواويلـه =وانا اللي أعلن الإفلاس أنا ماني من أحبابه
أنـــا زود الثواني المهدرة في يومـه وليله =عطش بأنهاري العذبة وأنا يرويني اسرابه
أنا اللي باذلة روحي وضاعت في مجاهيله =أدوّرها بشغاف القلب ويبعدها عن اعتابه
أنا اللي شاغلة نفسي شاقدّم له وش اعطي له =وأنـا اللي لي تواجهنـا يحيّرني وش أبدا به!
[/poem]
