[ALIGN=LEFT][COLOR=blue]شعر- فاهدالرشيدي[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
البارح..البارح..(ملأ) يذكرونك=وبغيت اسوي مع مطريك تحقيـق ..!
لكن .. سكـت أخاف ازود طعونك=ويجيك مني من ورا الهرج تلفيق
باح الغياب .. وبان فج لجنونـك=وأنا احسب ان الصبر مدة وتشويق
الله يجازي من بغوا يمنعونـك ..=ويا..زمان(ن) بدل الوصل تفريـق
ياغـايب(ن) كل الخلايق يبـونك=عاشقك جافته الصدف والتوافيق..!!
تعال.. سولف لي وهيـض شجونك=هرج الغنج..عادة على أمثالك يليق
كل القصايد ملهمتهن عيـونك=لكن ترا لي قلب بين المعاليق
مشـاعري يذبل ورقها بدونـك=تحتاج منك بعض الأحيان تصفيق
قالوا لي: أنك طعت ناس(ن) يجونك=وسليت معهم..بس ماأيقنت تصديق
خلك معاهـم كانهم يعجـبونـك=وإن ضقت تلقاني على حزة الضيق
[/poem]
