[ALIGN=LEFT][COLOR=blue]شعر- عمري الرحيل [/COLOR][/ALIGN]
صوتك عصا فير وأغاني للصغار
صوتك عمار… طول وقلبي انهدم
نسيت وشلون النهار
ومليت من هالانتظار..
والحزن هـذا صوت اما نشربه
والا شربنا…باختصار
اليوم جيتي تفتحين الشمس عن جرح الزمان
لا تاخذيني للزمان.. خوذي دموعي..
وان سالك انسان عني.. قولي البارح تركته..
شـــارد ومنـــهار….
يا تضاريس الوجع…. هاك الجروح وعد
الظاهر اني انا…. والموت دمــع وخد
من يبكي لغربتي…. يبكي على روحــي
وشلون انا اللي رميت الناس… لـجروحي
ماشفت منهم… رد…
وشد قلبي …….شد
هذا انا الممتد….حد الغيم والتشريد
ماالقى لعذابي ((حد))..
صوتك:1) طريق اخضر..
2)فراشات الربيع…
3)وغابة النعناع..
4) وغيوم الصحاري..
صوتك اللي يطفي الياس ويوديني
على يدين الاماني..
صوتك الا منين جاني..
كلما قربت اموت من العنا…
يهدني ويشب ناري..
آه…. صوتك فيه شي
ماعرف هو ايش…. مثل لون الضي.
لكن اللي اعرفه.. عذب وحزين..
مدري كيف الحزن جاك
هذا المارد اللي لازعل
من سالفة اثنين :
شيبهم كذا
حطمهم كذا..
كن ماداست خطاويهم على قلب السنين
انا عقبك تعرفين…. ماني اللي تعرفين…
ناسي شكل الشوارع.. والاغاني… والشجر
ماعرف ياكود شي ادري اني اعرفه
اني اعشق صوتك اللي لانهدم عمري نقلني…. للحنــــين
وللزمان الحلو… لين اشوفك واقفه بين المواكب..
شـــــارده…
ياحبيبة روحي اللي سافرت..
مدي ايدك للزمان وصوتي له…
وين تمشي..
ليه تطحنا….وحنا تونا باول نهــــار.
آة…. صوتك يا عمار…
شي.. كيف.. اتصوره
كثر ماصرت اعشقه عليه أغار..
((كاسي)) اللي كلما حاصرني الخوف وزمان العجز..
شـــربه..
وانهـــار..
يــا حبيبه… تذكرين البارحه سولفت لك
كني المح ضحكة عيونك ورا ليل الرياض..
قلــــتي ايه….
((كيفك انت)).. انا والله كنت ((مفتكرك))….
وصــــاحت الايــام….
لاصوتي يساعدني على لم الكلام اللي تعثر..
ولا دموعي تختصر في المواجع حتى ابكيك بسلام..
يا حبيبي لا تعاتبني…..
انا ماعاد فيني شي.. يستاهل عتاب..
اعرف اني بعدك انسان تجرد من زمانه…
وانتمى لعــــــصر الخــراب..
وانتمى لعــــــصر الخــراب..
صوتك آه….و صوتك شمس…
لو تشوف البرد يجلدني وكافرها الحزن..
والليالي موحله باالهم…
وكفوف النهار اللي تسافر ليتها تاخذ عيوني
عند لحظة حلم..
انا هارب من ظروف الامس…
ومن جروح الامس…
ماكفاك اللي نزفت…. وشتريد اكثر…
الشعر ماعاد فيني….
والامل ماعاد فيني…
انا روحي خاويه…… ماظل فيني نفس..
البارحـــــه غنــــــــيت..
ماعرف من أي ارض تشدني نسمة هواك..
وجـــــيت…
ياصا حبي وين انت…
ماحد تعلق باالسراب الا انا اوانت…
الله ماابسطنا…والله مااسخفنا..
اثنين مروا من هنا كانوا رماد ونار
فيهم جنون صغار..
وفيهم جموح كبار..
وفيهم جروح كثار..
والحــــــزن فيهم يبت…
وجيـــــــت :
ادور وجهك اللي يمتلي باالصبح والاحلام
ابيه يهد روحـي لين يبني شمسك بروحي
حبيبي تدري انك يوم تشرق تضحك الايام
اذاانك غبت اشرق باالظلام وتنبت جروحي
تعرف ان جيتك صحت وراها همي اللي نام
اظن الشعر توه زان بك خذ لآخري نوحـي
•••••
آه صوتك بحـة ياهــي غـرام..
عقبها تسكن عيوني…
وافرش لحزني…. وانام..
ايــه صوتك كلما ضيعت روحي… يكتشفني..
خاض بي حرب التناقض…
يلـــــقى بي واحــدوصولي..
ويلــــقى بي واحــد فضولي..
ويلــــقى بي واحــداصولي..
يوقف الدنيا على حد التطرف والظلام
ومــــره مع حـريتي… آقــف على حــد الهيام.
