شعر: طلال الطرقي
محبتي له فوق ماتتصورون
ياللي تعيبونه ما أسمع ما أرى
ماغيره بقلبي ولا غيره يمون
ماشوف احد مثله ولاهوب افترى
حبه سكن فيني إلى حد الجنون
الله يديمه حب ويديمه ذرى
باقي على حبه ولايمكن أخون
ماهمني بمحبته منهو زرى
ياليت عذال المحبة يدركون
محال هذا الحب ياخذنا ورا
لولاه ماكنا ولا يمكن نكون
يبقى حياة أهل المدن وأهل القرى
(ياعاذليني بالهوى) لو تنظرون
واقع خلقهْ الله من أحلام الكرى
أحبه ومهما تسيئون الظنون
في عيني أغلا من مشى فوق الثرى
