[ALIGN=LEFT][COLOR=blue]شعر- عبير بنت أحمد[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
يا خال وش سوى المرض فيك يا خـال=وش صـار حتـى صـب فيك انسجامه
الحمد للمعبود في كل الاحوال=وْإلك الدعا بـانــك تقوم بسلامة
عقب الصلابة صرت في ضعف الاطفال=حـتى المسا ماعـدت تقوى تنامه
كنت البدر واصبحـت فأسبوعـك هلال=كـنـك لـزمـت الكون تقضي صيامه
وفـوجهك الاصفر تعابير تمثال=مــا غـير دمعك يختصر لي كلامه
وفـكـل عـرق ٍ إنغرس فيه غـسّـال=يوصـل (كِـلاك) وينقل ْإلهـا سلامه
وتـظل حـتـى والمرض فـيك نزّال=تشعل فتـيل افـراحنا بابتسامه
لــك عـزة ٍ تمنعك لا تشكي الحال=حـتـى لــو ان الجـسـم لانت عظامه
ولك قوة ٍ مـــا حطـهـا الله فجبال=خارت ومـهـنــا قوة ٍ فـإسـتدامه
وعلى كثر ما شفت من وقتي اهوال=عليك ناح الوقت نوح الحـمامه
والمشكلة مـاكان يـطـري عـلى بال=اني بـأقـول فيوم : خالي علامه؟
ويارب يا منزل تبارك والانفال=يا واحد ٍ بـالـكـون مُعجز نظامه
ويا خالق الإنسان مـن طين صلصال=ويا رازقه من قبل يولد طعامه
يـا كاتب ٍ عـندك مـواعيد الآجال=ويا عـالم ٍ ميعاد يوم القيامه
يا سامع النجوى ويا هادي الضال=يا منصـف ٍ مـن جاير الخلق ضامه
لا ما سألتك لي بنون ٍ ولا مال=أسـألك خالي يْقوم لي بالسلامة
[/poem]
