ملامح صبح

يالله دخيلك

شعر: مشعل مسحل الاوبيض

الشيب عانه يامؤيد براسي
وانا احسب اني توني باقي صغير
يابوك لبسي خابر انه مقاسي
ماينقصر لو الدهر منه تقصير

قد انتصف عمري بوقتن قياسي
وانا ورى الهقوات بين المناعير
غرتني الدنيا وزود الحماسي
وحثيت رجلي واتعبتني من السير

مالنت طول الوقت والوقت قاسي
ولاشلت همه فالليال المناحير
مثل الجبل دايم على الارض راسي
ماكني الا ضلع سنجار والنير

اصامخ الصعبات من قو باسي
ياقوم يامهلهل وياقوم يالزير
مانيب لاجاهل ولانيب ناسي
ولاني من اللي يحسبون المخاسير

لاكن صار الوضع فيه انتكاسي
(يالله دخيلك) من صدوف المقادير
واليوم اشوف الجو دخن عماسي
ماعاد افرق بين غيم ومعاصير

مماحصل فالوقت صرت متواسي
ارفع يديني واطلب الله من الخير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *