[ALIGN=LEFT][COLOR=blue]شعر- فاهد لويبان الرشيدي[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
يا الله اني ملتجي بك يالعزيـز الكافـي=عن صدف بقعا وميلات الحظوظ السيّه
يا سواد(ن) مر حائل في نهار(ن) طافي=سيّلـت دمعـة وداعـك فـي 12 بنيـّه
الفضا ضاق وتجهّم واكتسـاه السافـي=والحزن غطا الفياض وناحـت القمريـّه
ياوجد عيني ياعود(ن) هل دمع(ن) صافي=وياوجد قلبي على أم(ن) مايأست بالجيـّه
علمهن يدمي القلوب ويمرض المتعافـي=كنّ لي معهن على كبر المصاب (اوخيّه)
آآآه.. يا ليت الليالـي علّمـن بالخافـي=كان نامن عن قدرهن في هاك الصبحيـّه
حلمهن علم ووظيفه والقلـوب ارهافـي=وشالن الحلم الثقيـل اللـي يهـد الطيـّه
بين فجعات الطريق وبين حلم(ن) غافـي=وادعنـّا.. والضمايـر نارهـا مغطيـّه
ياعسى الجنة سكنهن والثبـات الحافـي=والصبر بأمرك تسوقه للجـروح النيـّه
العزا لعيـال عبـس وللكريـم الوافـي=قائـد الأمـة أبـو متعـب سليـم النيـّه
البقـا لله وفيكـم.. والأمـل بالقافـي=تنقذون اللي بقى يأهـل القلـوب الحيـّه
[/poem]
