[ALIGN=LEFT][COLOR=blue] شعر – عايض الظفيري[/COLOR][/ALIGN]
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
يآ ثقل نَفسي عَلَى نَفسي ويآ صبره=ثنيتهآ لين صآرَت – غَصب – تثنيني
أَعيش / مآنيب لآرآضي ولآ مكره =آحلآم وآوهآم.. تغريني وتغويني
هَـ الليل درب سهرته وآخره بكره =بكره خذآ الأمس مني وش بـ يعطيني؟
يَـقدر يرجع ظلآمي مثل مآ يخبره؟ =قبل صلآة العشآء وأمِّي تنآديني:
يآ وليدي الليل ليّل غآبت الصفره =تعآل واِمرح أوخيّكبينك وبيني
أيَّآم كنت أسأل أمي: ليلنا شـ كبره؟ =آنآم وآسمَع: وليدي.. يآ بَعَد عيني
هَـ الكون مآ هزّ في رآسي ولآ شعره=مآ هزّني – غير – صوت أمِّي تصحيني
كنت آحسب الوَقت لآيظلم ولآ يكره=كنت آحسبني آبَكبر بَس بـ سنيني
طفل كبير يتشيطن حزّة السهره =و الصبح مآ كآن ذآك الوقت يعنيني
مآكآن هَـ الصبح يغريني وآبنتظره =إلآ علشآن لعبي مع حبيبيني
مآكنت آحسب الزمَن قآسي على كثره =كنت آحسب إنه إلى آحلآمي / يوديني
هَـ اللحين | يآخيبتي عشره على عشره =هَـ اللحين يآ نَفس.. لوميني ولوميني
عـشته وشفته ويآ صعبه ويآ قشره=مآفيه شَيّ قدَر حتى يسلّيني
وش آخر الصبر يآنفس نفذ صبره =ثنيتهآ.. , والزمن لآبد.. يثنيني
[/poem]
