شعر- فواز فايز الحـربي ..
ولاول مرة كذالك يشاركنا الشاعر الشاب فوازبن فايز بهذا النص ومع ترحيبنا به ندعوكم لمشاركتنا قراءته حيث يقول:
الله ولا هـمٍ مع الـدم ينسـاق
سوق الذي لـى لحقوا فيه يـرقا
الأدهم الي لبرق الريش لـحـاق
كنه سبر ملواح في جوف زرقا
يوم اعتـلى عنها علـى دربها ساق
وحـوّل وصارت زرقة الجـو برقـا
لا ني بلا عاشـق ولا ني بمشتاق
ولا سجهـا جاهل على غير طرقا
ولا ني اقلـيل واشتكي قلة أوفاق
ولاون لو تسـجع على العود ورقا
عوج الضلوع وجمّرن تقـل شعـاق
لحـق عليّ و ألحق الجوف حـرقا
البوح يهدم و الصـدر شيـن لاضاق
ومـتـن الثقـايل بالمخاليـق فـرقا
قصيـدةٍ طاحت علي هَـم الاوراق
بکتـابةٍ تـطلع من الروح تـرقا
صدي حبيـسٍ خلف الأسوار تَواق
ماجور من ضيـمٍ عتَـم ضـيق فـرقا
يانفس شيليـها لو البـال مـا راق
بصري وانا مـالي على البوح طرقا
