هرج ليل

[ALIGN=LEFT][COLOR=blue] شعر- عبير بنت احمد[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
الحب ماهو هرج ليل، ولـ اصبح الصبح انفقد=الحب شمعة لجل تضوي دربنا لازم تذوب
صعبة نكون لبعضنا قلبين من دون الجسد=واصعب نكون لغيرنا أجساد من دون القلوب!
ان كنت تتحمل، فأنا مالي على الفرقا جلد=وما فيني اتحمّل لقا بيزيد لـ ذنوبي ذنوب
وانا ادري ان ظرفك شديد، وتدري ان ظرفي أشد=بس ليتنا ندري متى تجري على الكيف الهبوب
وإن ماكتب ربي شبيهٍ لي يشيل اسمك ولد=ابطلب الله ينزع الإحساس من قلبي واتوب
أضحك واعلل بالأمل نفسي واتفاءل بعد=بس الحواس الخمس متفقين في حس الشحوب!
وآجامل العالم واعمّر بإبتساماتي بلد=ومن شافني ماكن للأحزان في صدري شعوب!
تعبت كني رابطة فالجيد حبلٌ من مسد=ماغير اشيل فـ حيرتي واشيل ويّـاي الدروب
أهرب من الواقع ومهما قام حظي أو قعد=مالي عن اللي قدّره ربي على روحي هروب
يارب انا كلّـي رجا.. ياواحدٍ فردٍ صمد=ألقى مفاتيح الفرج واعتق مساجين الكروب
انا احترقت ووهج عيني من البارح جمد=من وين اجيب لدمعي الجامد دفا حتى يذوب
[/poem]