هامتي فوق

شعر- الجازي
الله خلقني هامتي دايما فوق
ماينحني راسي بغير الصلاتي
اسوق نفسي للكرم والوفاء سوق
طبعي نزيهه وأنعرف من سماتي
في حضرتي هيبه وتقدير وفروق
وفي غيبتي محدن يسوي سواتي
امشي مع العالم وفي قمه الذوق
يعجز ردي الطبع يوصل صفاتي
واجنب اللي صار في سمعته عوق
وراع النميمه والحكي بالقفاتي
ومن طاب عندي مسكنه داخل الموق
اغليه واعزه وستره مناتي
ولا ارجي مطاليبي من ايدين مخلوق
رجواي باللي يعلم الخافياتي
ارجيه لاحسيت كن دنيتي طوق
يمحي ذنوبي قبل لحظه وفاتي