[ALIGN=LEFT][COLOR=blue] شعر- عبدالله الطلحي[/COLOR][/ALIGN]
عبدالله الطلحي اوكما يطلق عليه (شاعر الحكمة) يتميز شعره بالسمو وبالسلاسة والعذوبة التي قل أن تجتمع في شاعر سواه، اقراوه في قصيدته (ميـزات وعيـوب) لتدركوا ما يرتكز عليه من إبداع ولتستمتعوا بالشعر وعذوبته.. يقول:
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
قديش تخدعني المظاهـر ولا اتـوب=ماكنها مـرّت عـلـيّ التجـاريـب
كم واحدٍ يعطينـي الهـرج مقلـوب=وانا اعتبرته من خيـار الأصاحيـب
الفرق بين الناس في عقول وقلـوب=واسرارهم يعلم بهـا عالـم الغيـب
العين ماتكشف لك اللي ورى الثـوب=كلٍ يظن ويخطـي الظـن ويصيـب
اللي يودّك مايـرى فيـك عـذروب=واللي شناك يحـط فيـك العذاريـب
إن كان ولينّك من العقـل موهـوب=لا تستمـع لمروّجـيـن الأكـاذيـب
كم من حديـثٍ قـد لقينـاه مكـذوب=على النبي اللي منـزّه عـن العيـب
العبد فـي دنيـاه غالـب ومغلـوب=والعمـر جـاري والليالـي دواليـب
يجمع مع الأيـام حسنـات وذنـوب=والستر ظافـي والعِبَـر بالعواقيـب
اصبر على الدنيا ترى الصبر مطلوب=واستخدم الحكمه وحسـن الأساليـب
واحذر تلجّ عواك في كـل عرقـوب=محـدٍ بقايـل وش مسرّيـك ياذيـب
ولا يعتريك الهـم والـرزق مكتـوب=مضمون لك مافيـه شـكٍ ولاريـب
كثر الطمع يدفعك راضي ومغصـوب=للبخل والعزلـه وتـرك المواجيـب
والنفس لاتارد على كـل مشـروب=حتى تورّدهـا لصافـي المشاريـب
لاتندفع معهـا ورى كـل محبـوب=وتعلقك في حبـال الآمـال وتخيـب
الناس قالوا كـل ممنـوع مرغـوب=والعاقل اللي يشغل النفـس بالطيـب
وإليا إمتطيت من الجهل كل مركـوب=ضاعت سنين العمر من غير ترتيب
إن كان ما تحسب ترى العمر محسوب=في كل يومٍ تطلـع الشمـس وتغيـب
ولابد تطلع فيـك ميـزات وعيـوب=واقبح عيوب الرجل عيبٍ على شيب
[/poem]
