خواط تكتبها:هناء عصام ر
قررت اعمل خطوة جريئة ومختلفة و مميزة و ابقى ضمن ال3% اللى بيعملوها ف مصر و هو انى اكتب ( فى اللى بفهم فيه ) :))) وهو الاعلام … و بما انى درسته و بشتغل فيه ..ف على الله بقى حد يفتى معايا … هات حاجة تاخد فيها بقى عشان هديك نصيحة كده ف التضليل الاعلامى …و مبدئيا لازم تعرف ان مخك سهل جدا يتلعب بيه و خصوصا فى اوقات التوتر و الثورات و الحروب ..لان حالتك النفسية هى بالنسبة للاعلامى صيد سهل يقدر ياثر عليك بمنتهى السهولة مهما بلغت درجة وعيك و ثقافتك و سنك و مؤهلك !! لو سمعت خبر عن حادثة …. مصدر قال مات فيها 5 و مصدر تانى قالك 15 و مصدر تالت قالك 20 ..انت بشكل لا ارادى هتميل لتصديق الخبر اللى بيقولك 20 و لما تنقل الخبر هتقول العدد الاكبر عشان تدى اهمية و سخونة اكتر للخبر ! وده اللى بيعمله الاخوان ف حوار مظاهرتهم و بينجحوا ف اقناع ناسهم !! و ده اللى بيعمله اعلامك لما يحب يضخم اى قضية !!! كل واحد فيهم له هدف !! و انت لك ميول !! و هتميل لتصديق اللى يتماشى مع دماغك مهما بلغت درجة كذبه !! و طبعا ده مش اعلام …ده لعب على علم النفس :)) الحقيقة بقى ان مات ف الحادثة 5 !! بس انت مش هتصدق ده …انت خلاص اقتنعت انهم 20 !!!! قيس على كده اى خبر !! تضخيم الخبر = تضليل اعلامى !! و الحقيقة ان الواقع ابسط كتير !!
المصداقية اهم من السبق !! و التفاصيل اهم م العنوان !! و تعدد المصادر توصلك للحقيقة !!
************
يا اى مسؤول ف مصر اى حد يهمه الامر يا بوليييس يا شاوييييش…قناة الجزيرة حالا و دلوقتى بتصور من ناحية غزة هدم الجيش للبيوت اللى فيها انفاق ف المنطقة الحدودية !!! عملية تجسس واضحة و معلنه ف عز ام الضهر !!!!!!!!!! على الله تسكتوا عليهم و على اللى بيمولهم بعد اللى بيحصل ده بقى !!!
أعجبنيأعجبني ·
***************
انا بحمد ربنا و ببوس ايدى وش و ضهر ان الاشكال اللزجة الملزقة اللى مش عاجبها العجب اللى هاريينا تنظير و فتى و رفض و هجوم ع الجيش ليل نهار من اللى قاعدين ع النت دول مكنوش اتولدوا وقت حرب اكتوبر كان زمان سيادتك شغال فواعلى عند الاسطى بنيامين و كان زمان سعادتى بغسل مواعين المدام راشيل !!
سجدة شكر
• إعلامية بالتلفزيون المصري
