ملعون يا مروع قلوب المصلين
هالك وغيرك ما ينال الشهادة
فجرت نفسك طاعة للمعادين
وهماً على وهماً بيوم السعادة
زمرة خوارج طايعين الشياطين
خدام لأعداء الوطن والعبادة
الشعب واحد بالرجال الميامين
ما يهزه اللي مثلكم يا جرادة
الشعب واحد وللقيادة موالين
تحت الاشارة لادعتنا القيادة
دون الوطن مثل الصقور الشياهين
ودون الوطن كلاً تمنى الشهادة
اللي يصادقنا نعزه كما العين
واللي يعادينا يشوف النكادة
باسم الحزم نقطع رقاب المعادين
شفراتهم حلت بفعل السيادة
للشاعر: عابد عياد الاحمدي
