شعر- الهيلم زايــــد المويــس
من هذا النص الشعري الذي يشاركنا به لاول مرة الشاعر الهيلم زايد المويس نقتطف لكم هذه الابيات والتي ندعوكم لتشاركونا المتعه بها وبه حيث يقول:
اليــوم هــذا عـيـد مـيلاد طــاريــك = ماحس بقدومه شعور الـمـســـافــــات
ولاافصح عن أي بلاد ترسي مراسيك = ولالـــه اجـابـــاتٍ تـرد الــســـؤالات
مـدري اهـنّي فـيـه والا اواسـيـــــك = سـؤال حــارت بــه عــقـول الاجابات
ياعيد لو انك على الكيف مــااحييك = عايش بعمري دام باقي بــقـــــايــــات
وان كانها مـاعـايـدتـنـا لـيـالـيـــــك = الـعـذر ويـنـه مـن وجـيـه النجـاحــات
بعض الظروف افراقها من مراجيك = وبعض الـظروف افراقها المستحيلات
تـغتـال يامـستقبــل الـعمـر امـانـيــك = ظروفٍ تخصصها اغتيال الـمـسـرات
ضيم الشعور اسألك ماهي دواعيــك ؟ = تـبـي تشوف الـعـز والا هـالابـيـــات
ان كـانـها بـالـشـعـر شعري مـعـاديك = ولاظـنـتـي تـبـقـى مـعـه لـو لـحـظات
وان كـانهــا بالـعـز فـالـعـز يـعـطـيك = درسٍ اتْعَلّمْ بـه جـمـيـع الـبـدايــــات
يـاورد انا بـالله مـاكـنت شـــاريــك = مـابـيـن بـستانٍ ومــا بـيـن بـاقـــات
باكر تشوف اشلون جــفـت سواقيك = وتـصـيـر بـيـديـن الـريـاح الـعتـيــات
لاعـاد تـرجي مـن تـعـنّى لاراضـيك = مـا لـلـرجـاء نـظـره عـلى كل مافات
عـز الـمشاعر ياقصيدي واعــزيـك = نـهـايــة الـدنيـا عـزا لـلـنهــــايـــات
اللي عـلـى ذكـره تـسابـق مـعـانـيـك =حتى احـروفـك كنها قــبْلـه امـوات
اقفت بـــه الــدنـيـا ولاهـو حــواليـك = عـدّه مـن الامـوات لـو مابعـد مات
