(معاريف الأجواد)

[ALIGN=LEFT][COLOR=blue] شعر- عايض بن مساعد[/COLOR][/ALIGN]

( معاريف الاجواد ) نص يحمل من الشعر والحكمة الشي الكثير يشاركنا به لاول مرة الشاعر والكاتب الجميل عايض بن مساعد، ومع شكرنا له على حرصه ومتابعته وتواصله مع ( ملامح صبح ) ندعوكم لتشاركونا قراءته حيث يقول:

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
الشعر هيض وغيض.. برقٍ ورعّاد=ولا كل من خيّل سحابٍ شرب ماه
وللشعر مثل الناس موتٍ وميلاد=يميته (المطفوق).. والمبدع أحياه
وما كل من سمّوه شاعر وقصّاد=تعجبني أبياته ويطربني غْناه
ولْكل شاعر في معانيه ميراد=والبيت من حبكه وسبكه ومعناه
والآدمي عمره معاناة وجْهاد=ما تصفو الدنيا بليا معاناة
يبي لها حكمة مع صبر وعناد=لو سارت أيامه على غير مشهاه
يقوله اللي همّته جمر وقّاد=المجد والحظ العلا غاية مْناه
يوم إنّ غيره يمضي الليل رقّاد=يا وجد \"عايض\" من تصاريف دنياه
ومن عاش خامل في ذرى ظل وبراد=مهما تمنى ما حصل ما تمناه
وحنّا ورثنا العز من عهد الأْجداد=ومع حليب أماتنا قد رضعناه
الكفو قدره عندنا دوم يزداد=لا أحتاج ينصانا وفــ العسر ننصاه
قلوبنا للضيغمي دار وبلاد=اللي يوفّي كلمته فعل يمناه
وأما الردي لا عاد ذكره ولا عاد=لو كان بابه من ذهب ما طرقناه
نموت ما ننسى معاريف الأْجواد=وننسى الجميل بلحظته لا فعلناه
[/poem]