(مطاليب)

شعر- بحني عسيري
الزميل الشاعر والإعلامي بحني عسيري خصنا بهذا النص وندعوكم لمشاركتنا قراءته حيث يقول:
أقول..وادري ما لقولي مطاريب
وأعيدها طـربان حتى.. الثماله
مالـّذ لي تعكير صفّـو الـمشاريب
هنّي.. من جدول حياته.. صفاله
الصاحب اللي نار حقده ملاهيب
غيران حاقد والحسد. راس ماله
ليه أنزعج.. لاجا يزف التراحيب
ويهذب المعنى..غريب المقاله
في غـيبتك يحكي. لذيذ الأكاذيب
في بسمته تقرأ خفايا..النذاله
ولا صار يغـتابك بكل. العذاريب
الغافل المغرور.. ما شاف حاله
الممتهن شيمّة رجال المـواجيب
ما قّدر المعروف..واللي إرتكاله
يرعى مع الراعي ويأكل مع الذيب
مدري هبّل! مدري يسوق الهباله
النفس ما تخلا من النقص والعيب
أعظم عيوب الشخص ظلم وجهاله
يالله. يا منشئ سحايب من الغيب
ويا ملتجأ غافل..عليك..إتـكاله
دام المطر يغسل عيوب المرازيب
راع الرضا يلقى العوض في عياله
مالي على عـدوان ربعي. مـطاليب
ولا أنـتـظر من غير ربي..عـداله