[ALIGN=LEFT][COLOR=blue]شعر- مهابة عواد[/COLOR][/ALIGN]
لاول مرة تشاركنا الشاعرة السعودية مهابة عواد بهذا النص ( مرقاب الاوجاع ) والذي خصت به ( ملامح صبح )ومع شكرنا لحرصها وتواصلها ندعوكم لتشاركونا قراءتها حيث تقول:
[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
فجـوج صـدري كانـت البـارح وساع=لـيـن ابـتـدا فجرالغـرابـيل بـطـلوع
ويوم إظهرت شمس الحقيقه على قاع=عرفـت بنـي كنـت بالوقـت مـخدوع
ومـن الندم عضيت عـاروس الاصبـاع=واخذت من كاس الحسافـات قرطـوع
ويوم إن مفتاح الفرج مـن يـدي ضاع=وحبل الرجاءباليـاس قد صارمقـطـوع
رقابـي الهاجـس علـى رجـم الاوجاع=في راس مـرقـاب المـعـانـاة مصروع
جلست اطالع كيف وش لـون الاوضاع=واراجع اللـي فـات موضوع موضـوع
ونسنس من الذكرى على البال ذعذاع=وحـرك لهـم ٍ داخـل القـلـب مزروع
وشبـت لهايـب نارمـن بـيـن الاضلاع=عجـزت تطفيهـامـن اعيـونـي دموع
والله مـاكـن الـقــدم تحـتـهـا قـاع=من ضيق ٍ بصدري غدى اليوم مجموع
ماكنـت احسـب الوقـت بيكون خـداع=تغيب به شمـس ٍ وتطفي بـه شمـوع
فليـت قلبي وسـط بـحـره له شـراع=وطارت بـه ارياحه بعـد كـان مرفـوع
[/poem]
