ماني مصدّق

شعر- عبدالكريم بن خزيّم
انا على خبرك تراني تصبّرت
في مركب الذكرى اهيم بشتاتي
اصارع امواجك حشا ماتغيّرت
وفي بعدكم ضاقت عليّ الجهاتي
معقول عني ياهوى البال سافرت!
ماني مصدّق ماحصل ياغناتي
انا غريق الشوق ياللي تكبرت
تجرفني امواجك على ذكرياتي
احترت من دونك اي والله احترت
اقرأ مكاتيب ٍ تطوّل ماتاتي
معقول ياحلم ٍ حقيقي تبخرت
وبعدك يحطّم يالغلا امنياتي
في بحركم ياكم تعمقت وابحرت
غريق وامواجك تهدد حياتي
سافرت عني بالوصل ايه قصرّت
وخليتني بالفقد اسهر ماباتي
لوخيروني ياغلاهم تخيّرت
انتي وحيده فارقه بالبناتي