(ليل الموادع)

شعر- فيصل المهلكي

يـ البرد : اخذ جوّ ارتعاشي .. منّي
طرقي سحاب .. مبلّلٍ بـ الحسره
عطني يقين .. وهاك معطف ظنّي
ماعاد باقي شيّ منك : اخسْـره
في طرقتي مال الظلال : يغنّي
في وسط وادي .. شجرته منكسره
ياعنك : هاض الجرح .. رغماً عنّي
ماعاد لي من ضيم صمتي : قدره
يابلادي : اللي غرّبتني .. كنّي
ذنبٍ : تحرّا فـ المدامع .. عذره
عن عمرٍ .. البارح يناهز سنّي
موتٍ تمنّاني .. ونام بـ قبره
اشيل هـمٍّ .. من زمن يسكنّي
اعيل وجهٍ .. واحتياج .. وأُسره
في نظرة أُمِّي .. حاجةٍ تطعنّي
اخاف لـ انشدها .. وتنزل عبره
سلام : يا اول دمعةٍ .. تزبنّي
غالي يقول : انّه مسافر بكره
ذكرت ؛ نجر الوقت .. يوم يدنّي
يوم الدراسه ،. والشلل .. والدشره
لا حلم يغريني .. ولا يسجنّي
ولابه زعل يجرح فوادي .. واشره
يـ احبابي : اللي رحتوا اكثر منّي
ياللي خذيتوا الصبر .. عنّي فكره
ليل الموادع ماتغيّر لـ انّي
وجه الشبه بين : الحزين وصبره
شـقول : لو صبح الغلا .. يدفنّي
وثوب الرجا ،، راح ونساني عطره ؟
بالله قولوا للحبايب .. عنّي
عاشق رحل باقي من امسه : ذِكره