آحزم تفاصيلك ولملم بقاياك
اليوم للتغيير فيني عزيمه
وصلت من الآرهاق لحدود الآرباك
وعرفت بإن آجهاد نفسي جريمه
شريت بالتغيير يانفسي ارضاك
وبعت آكثر آكثر شي وبدون قيمه
وش عاد باقي في العمر ماتعداك
وانتي مع كل البشر مستقيمه
اليوم هذا غير عن كل ماجاك
وآهم نقطه للتحول سليمة
على قدر ماجاك خلي عطاياك
الا الخطاء لي جاك كوني حليمه
واللي يبادلك المعزه ويرعاك
بيجيك من كبر الغلا في صميمه
على بياض قلوبهم دارت افلاك
الله جمع منها النديم بنديمه
على العموم اللي خذا واللي آعطاك
فيما مضى خذيت قدر وحشيمه
وسرحت يالتغيير فيني مطاياك
على طموح وقو باس وعزيمه
يسوقها كبر الامل ويتحفاك
ياللي سماك غيوم وارضك هشيمه
حاول تكون الجاي قبل اتعداك
وتصبح مع الآيام ذكرى قديمه
