شعر: فارس الرشيدي
انتي حياتي لاتقولين وشلون
ولا تسأليني كيف صرتي حياتي
ولا تسأليني ليه انا فيك مجنون
معذور من شافك يسوي سواتي
يامملكة حسن(ن) لها رمش وعيون
في بحرها.. بغرق ولاابغى نجاتي
كان الحياة احساس رسمات و فنون
من واقع ايامك .. رسمت امنياتي
حلفت ماغيرك من الناس يسوون
لاصار .. حبك كل شي(ن) بذاتي
ولا همني ناس(ن) علينا .. يقولون
اعرف وصاتك وانت تعرف وصاتي:
( الحب يبقى و الخلايق .. يموتون
ولا يفرق العشاق .. غير المماتي )
ولاتسأليني ليه انا فيك مجنون
لاصرتي انتي كل شيء بحياتي ؟!
