فمان الله

شعر- أحمد بن عميره
خذي دمعي قصيدي لابكت عينك على رجال
وخذي جرحي دواوين الغرام وقصة الطرقا
انا جرح مع اهل العيد لابس غترته وعقال
ياعنك الطعنتين اللي سببها ليلة الفرقا
الا يا مرحبا بك عد ما ناحت على الاطلال
والا يامرحبابك عد مالاحيت انا الورقا
والا يامرحبابك عد ماتشكي من الاهمال
كثر ماجيت تشكي لي من العميان والغرقا
ثمان اعياد ماتنشد ولا تسأل عن الاحوال
ثمان اعياد تتركني وأشب النار فالمرقا
ثمان أعياد تتركني غريب ولا لقا منزال
ثمان اعياد ودموعي لا هي تنزل ولا ترقا
فمان الله ياعيد انكساري في شهر شوال
فمان الله ياعيد الجريح قلوبنا حرقا