[COLOR=royalblue]شعز: علي الريض[/COLOR]
الليل روح وانهزع بي جريده = والصبح مابيّن على روس الأطلال
وانا شريط الذاكره قمت اعيده = واشوف وش لون انقلب حال عن حال
ذكرت من كان الترف وصف بيده =واليوم صارت بالملايين تختال
كانت فقيره في الحياة الزهيده =محرومة(ن) من لعب واحلام الأطفال
كانت فرح قلبي وهمه وعيده =لاشفتها شخصت بشماغ وعقال
ولاشفت نفسي تقول .. وشـ هالوليده = واقول ياربي متى اصير رجال
كانت تقول اكتب لعيني قصيده = واقول بكبر واكتب الشعر واختال
واكتب لعينك كل يوم(ن) جديده = قصيدة(ن) تحفظ على مر الأجيال
كانت فريدة حسن فعلا فريده = يرقص لها قلبي من الجال للجال
كانت تقول أمي تراها شديده = وابوي مات ولاذخر عقبه عيال
مير اعتبرني من خواتك وحيده = أبيك تشري لي خواتم وسلسال
وانا فقير ٍ مامعه في رصيده = من كثر فقره .. صدق مايملك ريال
كنت اعتبر يوم الليالي عنيده = واقول باكر ينقلب حال واحوال
وفعلا تعيش اليوم عيشه سعيده = تزوجت واحد من رجال الأعمال
هو عندها خاتم .. وهي مثل سيده = تملك لها فله وسايق وجوال
من بعد ماغابت سنين ٍ عديده = قابلتها وانا على الفقر لازال
سألتها .. وش الحياة الجديده = قالت نسيت اسمك ولا انته على البال
ورجعت اطالع صورتي في الجريده = مافادني شعري بعد صرت رجال !
