غفلة الساقي

[ALIGN=LEFT][COLOR=blue]شعر- فايز آل بذال[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
يا مِشغل الحزن بعيون الشقـي خلّـه=حذرك تعكّر مـزاج الدمـع بحداقـي
عهدٍ عقدتـه معـه لا ترجـع تحلّـه=دام الشقى والمواجع وأنـت عشّاقـي
كثر العنا والسهر ياملتهي مـن لّـه=يوم أشتعل لك قصايد تحرق أوراقـي
عاث الحزن واستباح الجوف واحتلّـه=لنّك عطيته وعد يستوطـن أعماقـي!
أبطيت أنا أجمع غزير الدمـع وَاهلّـه=وأروي عروق ٍ تموت بغفلة الساقـي
عمري دفعته ثمـن ياهاجـري كلّـه=وأنا أنتظر غيث يطفي لاهب أشواقـي
كم من طريق ٍ يمـلّ خِطـاي ماملّـه=كم أنثنت من مشاوير التعـب ساقـي
بغيت أسافر معـك للغيـم وَاوصلّـه=وأعلنت قبل أبتدي مشوارك أخفاقـي
تدري وش اللي يعـلّ القلـب ويذلّـه=لي جيت أعانق حبيب ويرفض عناقي!
رح يالسؤال العتيـق لصاحبـك قلّـه=قلّه كفاني قديـم الجـرح وش باقـي
[/poem]