شعر:عبدالله عبيان
غابت الشمس وهمومي تهـد الجبـال
بين غدر البحـور وضحكـة امواجهـا
ياكبر حزن (جدة ) يوم شـح الوصـال
والموانـي ينـام الصمـت بابراجهـا
سافرت للجنوب وضاق صدر الشمـال
والريـاح ارسلـت للخافـق افواجهـا
ياسقا الله وانا طفل(ن) كثيـر الـدلال
ماعرفهـا وضـاع برفعـة حجاجهـا
اكبر اكبر طموحه لو يفـوز(الهـلال)
غافل (ن) مادرى عنها وعـن تاجهـا
لين مرت وغصن الوجد في القلب مال
وابتـدت رحلـة الغيمـة وثجّاجـهـا
وصرت اغني مع العشاق اغاني (طلال)
والمراكـب تسـوم البـرد بادراجهـا
كلما جـا لقـول الشعـر فيهـا مجـال
ترمش عيونها مـن كثـرة احراجهـا
واعتبر رمحها في خافقـي راس مـال
من طعونه جروحـي تاخـذ علاجهـا
يانسيم البحر قطر الندى اليـوم سـال
بلـغ النجمـة انـي صـدق محتاجهـا
صح غابت ولكن فيـه عنـدي سـؤال
من يقـدّي الظـلام بغيبـة سراجهـا
