عيديتك

[ALIGN=LEFT][COLOR=blue]شعر- فاهد الرشيدي[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
لا تزعج الصبح .. طاح الليل والسد باح=وشاعرك .. عدا على الجزله بشبريته
الليل .. والمزن .. وأهداب النجل.. والنجاح=عشقتهن .. والغلا حلم(ن) نثر ميته
خل(ن) هويته زهى الحناء بكفه ولاح=واحتل قلب(ن)بحبه صادقه نيته
يا غايب(ن) عن عيوني ما ب..ليلك صباح=مرساي في بحر حبك وين هي وجهته ؟!
عامين مرن وصدر الليل مثخن جراح=وأحلام لقياك وبل(ن) ما نشت غيمته
لا تنشديني .. عن أحلام السفر والملاح=قلبي تعلق من غيابك بعليته
من يسهر الليل وآماله بوجه الرياح=يلقى المقادير تضحك له على جيته
رمشك طعني وأنا غافل بروس الرماح=وغلاك كمل على قلبي بحنيته
اليا ضوا الليل عطر(ن) ضم ذكراك فاح=واليا أرزم المزن طيفك طاح مع فيته
لبسني الصبر في دروب أنتظارك وشاح=قال أفتخر بك عشانك تنتظر جيته
عيديتك .. كل عام من القصايد قراح=وقلب(ن) يحبك عساه يموت في غيته
[/poem]