البلاد – هليل المزيني
ثمن شعراء وإعلاميون دعوة صفحة(ملامح صبح) التي أتاحت للشعراء والشاعرات بدون استثناء توجيه بطاقات معايدة لجمهورهم ومحبيهم بمناسبة عيد الفطر المبارك وذلك من خلال تفاعلهم الكبير في أقل من(48) ساعة من زمن الدعوة.
ومانسعد ونتشرف به أن يتواصل معنا شعراء بهذه المناسبة لأول مرة ومع أطيب المنى بعيد سعيد نتمناه للجميع,ندعوكم لتشاركونا قراءة معايداتهم لمن يحبون..
الشاعر مهدي بن سعيد:
للعيد مايعني لمن يكتب العيد
على الثياب البيض قبل الدفاتر
وانا ثيابي يا(هليل) مواعيد
الوانها مابين كاشف وساتر
لو يصدق اجملها تبي تعشب البيد
والحيل يصهل خيل لوكان فاتر
الشاعر والإعلامي حمود البغيلي:
الموت في ساحة وغى المرجلة عيد
والنفس في نيل المكارم تعزك
وان كان مارزيت رمح الاجاويد
ماراح تلقى بالعرب من يرزك
الشاعر بدر اليحي:
كل عام في .. عيد الفطر
أعايدك .. بإسم القصيد
يا أغلا .. من حقوق المطر
و أجمل من العيد السعيد
الشاعر اسعد الروابة:
صوت المآذن قبل بعيون الاطفال
تكبيرها هيبة صلاة ومواعيد
ضو الشفق يازين وصفه ليا سال
ويا حلو من جيراننا سكر العيد
الشاعر علي البورعي:
كل عام وأنت بخير يا قلبي
ياللي تحب تعايد العالم
لكل شخص ماهو بسلبي
عيدك يعود وراسك السالم
الشاعر مروان المزيني:
العِـيـدُ يطـلـقُ نـشـْـوَةَ الإحـســاسِ
تندى به الأفـــــراحُ بـالإيــنــاسِ
العِيـدُ يسـري فـي الجوانـبِ دافـئـاً
كيْـمـا يُصـافـحُ كــلَّ كــلَّ الـنــاسِ
الشاعر سعود الخزمري:
ليلة العيد عن باقي الليالي فريده
المشاعر مطر واحساس قلبي سحابه
مثل ماهو الغلا مافيه حاجة جديده
صبّـح العطر مـن كمّه وعيّد ثيابه
الشاعر سعد الجميلي:
العيد اشــوفـــك نهـــارالعيد قدامي
ياشمعة العمرياأجمل ضحكة أيامه
كل عام وأنتي بخيرومصدر إلهامي
وكل عام وأنتي ربيع العمروأحلامه
ياأغلا أمنيات الحياة وقمة أحلامي
شاعرك ..عيده بشوفك…دوم قدامه
الشاعر عبدالله سعيد:
تمر فـ بالي الأسما .. واساميكم
تزف احلى التهاني باجمل الميعاد
عسى المولى يطول فرحتي فيكم
وعسى طعم السعادة باللقا ينعاد
أنا هنيت نفسي قبل اهنيكم
لأن قلوبكم تعني لي (الأعياد)
الشاعر نواف الصويمل:
حنامثل هالناس وأصدق من الناس
تقرا ملامحنا صباح المعايد
يهدونك الحلوى بلا شعور وإحساس
وحنا هدايانا شعور وقصايد
الشاعر سيف الرشيدي:
تدري وش أجمل شيء في لحظة العيد
لا عايدك شخص(ن) من الناس غايب
وتدري .. من اللي ضيعته المواعيد
شخص(ن)فيوم العيد ماله..حبايب
الشاعر أحمد السديري:
الوصل ملح الذوق لاجا من احباب
وشلون لامن جا من الذوق كله
رصيدنا بالعيد هو وصل الاصحاب
كم غاليٍ ودك تجيه بمحله
الشاعر مقبل مساعد:
تمر الاعياد وانا والجروح اخوياء
ولا يحرك سكوني غيرنبض القصيد
ويوم اتذكر زمان العالم الانقياء
في وقتها يمكن اقول إلك:عيدك سعيد
الشاعر محمد بن مدعث:
عيدية الفطر صوتك..ضحكة عيونك
ملامحك في البياض وحمرة اوجانك
ماني خفيّف غرام و صرت مجنونك
و ما في الغلا خير كانه مو علشانك
الشاعر عبدالله الطفيلي:
تعال قبل العيد اذا يمديك
أبي شعورً صادقً وافي
كنا قبل لحظة نسولف فيك
انا وحلم وليل واطيافي
الشاعر خالد بن ضحيان:
يا هليل كفي اللي عانق اطراف السحاب
كل ليله يرتجى المعبود .. يغفر له خطاه
التقى بالعيد .. عيد الله .. ورحبّه وجاب
باقتين ورود لاصحابه .. وغلفها غلاه
الشاعر خالد الطويل:
العيد فيكم يزين وتكمل أفراحه
يالله عساكم مديد العمر عواده
بقبالته كل نفسٍ دوم مرتاحه
وكلٍ بشوفة حبيبه تكمل أعياده
الشاعر نيف بن سعود:
تكفون خلو عيدكم كله أفراح
تواصلوا من بينكم تستفيدون
دنيا تزول ومابه أنسان مرتاح
وأخر نتيجه داخل الارض مدفون
الشاعر فهد الحويماني:
عشان ابري ذمتي قلت اصارحك
واللي بـصدري من غلا في محله
من مر عيده مانفتن في ملامحك
” والله مــا عيّــد ولا قــالــه الله “
الشاعرعبدالعزيز السلوم:
كل عام والأمه بخير وسلامه
وديار سلمان الحزم في اماني
تقبل الله شهركم مع صيامه
واعادة الله كل عام بسلامي
الشاعر خالد بن علي:
للعيد فرحة في قلوب الكبار
عاشت زمان الطيب والطيّبين
لاتحرمون العيد فرحة صغار
تقبل عليهم مــ الفرح طايرين
الشاعر محمد بن علي:
الأفراح في كل الأماكن تعالت
غرد بها العصفور فوق المجاني
والناس تبعث بالرسايل وقالت
عيدك مبارك في جميع الأغاني
الشاعرضيف الله المتعاني:
العيد من غيرك ماهو والله بعيد
لو وزّعوا .. عطره مَعَ حلاوته
ما ابغيك يوم العيد عن عيني بعيد
فيك انت عيدي تكتمل حلاوته
الشاعرساير عباد:
باقي على العيد لاكني بأيدكم
على المعايد و أيد راعي الفكره
بتعايدوني على خير وبعايدكم
لكن لاقالوأول عيدكم بكره
الشاعر طلال الطرقي:
لا والذي سواك أدري تحبني
وتدري بي أحبك ولا انت اللي غبي
ماهو مهم إن كان ماعايدتني
عندي أهـم إنك ولاغيري تبي
الشاعر سعيد الشمراني:
يا عيد يا مرحبا يا عيد
بالخير والطيب حيابك
على الحبايب عساك سعيد
كلن فرح بك وهلابك
الشاعرة اصايل نجد:
عيدي ياغايتي يافرح عمري
عيدي ياعيد هالكون يانورة
فيك ياامي ثناء الجود من صغري
ياعسى في باقي العمر مسروره
الشاعريوسف الصاعدي:
اصدق عبارات الفرح والتهاني
كل عام وانت بخير في ليلة العيد
