شعر- عبدالله الحربي
طال انتظارك وانتظاري على نار
(جدّلت) ليل الشوق حـب وسهرتـك
جمعت لك كـل السوالف والاعـذار
من زود شوقي مايئست…وعذرتك
حلّ الظـلام وقلـت ياقلـب (زوّار)
مزقـت/كـراس الالـم/وانتظرتـك
فرشت لـك درب اللقـا ورد وزهـار
كن الخُطى قالـت:ترانـي اسرتـك
شفت الزمن من وقتي الزين يختـار
ياصبر باقي..صبر ياما صبرتـك
اخذت من عمري عمر كلـه امـرار
وانا جمعتك شـوق../عـدت ونثرتـك
ماخذت ميثاق الغـلا بـس مشـوار
او جملتين(احساس زور)وشكرتـك
صار(انتظاري)حلم ليلٍ به اسفار
مدري انا اللي عدت ../والاخسرتك
ياموقفي(صورة) من الامس تذكـار
كلك ابيك ولو بغيت اختصرتك
طويت صفحات الحكايـا والاسـرار
ودار الزمان وكلما دار درتك
طال انتظارك
