شعر- سلطان صقر
ياللّي على طـــاري الأحـــلام جيتيني
مابين علم الخيــــــال وصحـــوة الغافي
أجّلت نومـــــــــــي على شانك تمريني
وأسهرت عينــــي معاي ونومها لآفي
والليل طوّل وطـــــــــول الليل يشقيني
والصبـح كفكف ظهوره قبل ينشافي
حتى الخــــــلايا بجسمــي تنتظر فيني
تسرح وتمرح على طاريك بإشرافي
والكل حولي بعد ماصـــــــــار يعنيني
حلمي وأشوفه على تفسير عرّافي
واليوم مرّ الزمــان وقلت يمدينــــــــي
أرجع وأراجع حلـــــوم الليل لآطافي
لآقلت وينه يرد البعــــــــد ياوينــــــي؟
والليل موحـش وحلمه مابعد ظافي
والقلب عيا مع الأحــــــــــزان يفتيني
إما يجيز الفراق ويفضــــــــح الخافي
والآ يرده مع الإكــــــــــــراه ياعينــــي
دامي عشقته وعشته جـوع بإسرافي
ياهيه…يكفي عذاب البعـــــــد يكفيني
الجــرح باقي وباقــــــــي نزفـه الدافي
إما يجـــــــــي حلمها بالليل وتجّيني
وتترك طريق المفارق دامنـي وافي
والآ عليّ الحــــــــــرام ودينها ديني
لأسقّيه مُــــر الفراق وسمّه الصافي
