شكواي

شعر- فتاة نجد
أكـبـر من التعبير في حـال دعواي
مثل الوفــا مالـه حدود ونهايـه
روح الشعور اللي ملت كل دنياي
تـجـاوزت..فـي مـنـزلـتها غلايه
وتوثيق مـيـثـاق الغلا في حناياي
أسـمـى المـبـادي فـيه للـقـلـب غايه
ترسي مراكبها العـزيزة بمعناي
وتـرفـع لمـن يـصـدق لغـالـيـه رايه
مضمونها نبض(ن) صراحـته مبدآي
لـو كـان مـبــدآ لـلخـلايــق خفـايه
متسلسل(ن) بأسمى المشاعر من اقصاي
على وتــر جـرح الخـفــوق وعنـايه
والله درى عن غيب الأيام وش جاي
لـجـروح قـلــب(ن) فـيّ مـنـها الكفايه
تجاوزت بإحـسـاسـها نار شكواي
وتجاوزت كـل الـشــعــور بـغـلايه