شعر- عبدالمطلوب البدراني
سهل سهم السلاح وصعب سهم القلوب
لأجل سهم السلاح إن صاب مخلوق مات
مير سهم القلوب إن صاب ما من هـروب
لانت حي ولأميت يأرب الثبات
قاله اللي تولع تل قلبه لعوب
تله الجادل المزيون سيدالبنات
قائد الغيد مر وشب نارا لهوب
احرم العين لذات الكرى والمبات
به جمال غريب وله كلام محـسـوب
إن هرج غصب تسمع له يصيبك سكـات
كيف ما يذوب قلبي غصب والله يذوب
عنقها يشبه اللي قايده للمهـات
خدها مثل براق السحاب الشـبـوب
وهلت الشعر الأشقر ثم راحت وجات
قلت يا قلب توب يقول حاشا ماأتوب
اشهد انه سطا بالقلب زين الصفات
سهم القلوب
