سموّ الوطن

[ALIGN=LEFT][COLOR=blue]شعر – وليد عبدالله[/COLOR][/ALIGN]

الشاعر الجميل (وليد عبدالله) الذي عاد لأرض الوطن من (أستراليا) بعد إكمال تعليمه هناك، انداحت قريحته وهو في بلاد الغربة فابدع قصيدته (سموّ الوطن) التي خص بها (ملامح صبح) ومع شكرنا له ندعوكم لتشاركونا قراءتها لتدركوا ملامح تجربته وما يستند عليه من شاعرية جميله حيث يقول:

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
يا سموّ الوطن والطيب مـن دون صفّـه=ما يزحزح وفانـا نافـث السـمّ حولـه
سيّدي والعتب من حبّ .. والديـن كِفّـة=يرجح بحكمها ميزان شعـبٍ .. ودولـة
سيّدي وش يفيد العلم مـن دون عفّـه ؟!=لو ملكنا علوم الكون .. عرضه / وطوله
إن فتحنا الكتاب اللي غدا الذنب رفّـه ؟!=مـا تبعنـا كتـاب الله .. وسنّـة رسولـه
وإن تركنا حدود الثـوب مـن دون كَفّـه=ما حشمنا بياضه .. والطُهر عن ذبولـه
سيدي ما هي بْـ.. لحْيَة .. وشارب نحفّه=أكـرم الله راعيهـا عـن اللـي يطولـه
دونها قبْلَـة / وبيتيـن / واللـي تسفّـه=ما حسبنا حساب أهـل اللسـان العذولـه
يكفي إنّ العَلَم مغْروس فـي كـل ضفّـة=في حنايا قلوب الشعب .. تنبـض أصولـه
دام للبـاب قُفْـل .. ودام للبـاب دَفّــه=ليه نفتح شبابيـك العيـون الخجولـة ؟!
الجَمَل لو بَرَكْ بالحمْل من عيـب خفّـه=لا تلوم السنام اللـي يشيـل الحمولـة !
سيّدي لو يموت الحـقّ فـي كـل شفّـه=ما يموت الكـلام اللـي عجزنـا نقولـه
يكفي إنّك وطن .. والديـن منهج / وكِفّـة =يرجح بحكمها ميزان شعـبٍ .. ودولـة
[/poem]