سارق ومزاح

[ALIGN=LEFT][COLOR=blue]شعر ـ عوض الطلحي[/COLOR][/ALIGN]

[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
انا بصدري حر يكفخ جناحه=لولا قفص صدري نفض ريشه وراح
فرق همومه في فضاه وبراحه=ويش يحبسه مادام له ريش وجناح
كم مره يقول انت تبغى الصراحه=لو كنت مع غيرك ترى كنت مرتاح
ماكان حدد لي كماك المساحه=وانا هواوي حيل واحب الافراح
ولاني بطالب منك غير إستراحه=الهو بها واسيح مع كل سواح
هذا كلامه في مساه وصباحه=وكم سهر عيوني ليا نور الاصباح
وهميت صدق اطاوعه باقتراحه=لولاي قدرت الخساير والارباح
فكرت واليا حبسته من صلاحه=ويش مكسبه من كل مسرا ومسراح
بحر الهوى ياحر يبغى سباحه=ماهو كذا خذني وجيتك وسباح
بامواجه تذوق السموم الذحاحه=للي قليلها على الكبد ذباح
وتضيع في جد الغرام ومزاحه=وتصير كنك دلو بيدين مياح
ولا عاد تهنا في حياتك براحه=وتقعد تدور للدوا عند جراح
وعلاجها ماينلقي بالجراحه=طعني وهمك بامر مولاك ينزاح
خلك على حد العلوم المباحه=مالك ومال علوم سارق ومزاح
[/poem]