ذاك الزمان

[ALIGN=LEFT][COLOR=blue]أشعار/ محمد بن حسين[/COLOR][/ALIGN]

وين ذاك الزمان؟
وطيبة قلوب الجيران؟
ومنظر بيوت المساند؟
والنوافذ والبيبان؟
يوم كانوا الناس غير
والزمن والحب غير
يوم كنا بحي واحد
يلمنا دفء المكان
•••
فاكره لما تجينا
ترسلك امك علينا
حجر عينك احلى مرسى
وعيني بالمرسى سفينه
يوم لبسك ها المزركش
وثوبي ها الثوب المكرمش
يوم كنا بقرية وحده
احلى ما فيها السكينه
•••
والله لو تدري لوين
راح بي قطر الحنين
كان شفتي بعيني صوره
ذكرى من ديك السنين
لما كنا كل يوم
ما نفكر بالهموم
يوم كُنّا بالمحبه
مثل كل العاشقين