شعر- خالد الظويفري
الليلة احساسي هنا فاق الاوجاع
(احساس مدري ويش اسميه جاني)
كل مانويت اطيح اطيح اسمع القاع
يصـرخ على رجمٍ تهاوى عشاني
صحيح مذنب..لكن ذنوبي اطباع
ماترخص ايماني على ماحـداني
لكني الليله مثل طقة اصباع
على رجا ذكرى غدت قول (ماني)
محتاج شي يعدّل اوزان الاوضاع
شي ٍ يكـون بكل شي..شي ثاني
اما يرجـع لي زمـان الذي ضـاع
والا يرجعنـي.. لبـر الامـانـي
ماعـاد تقنعني اساليب الاقنــاع
لين اني اوقف في مكانة مكاني
ومن لاتعنى..ماسلك درب الاسناع
ومن لاتمنى.. ماملك عــزم باني
ومن يشـرح اليمه على كل سمّاع
يغـويـه خبـل من العـرب مكلماني
الى هنا يكفي شعر يكفي اوجاع
عرفت هالاحساس من وين جاني
(درب الاسناع)
