(حديث أغراب)

[ALIGN=LEFT][COLOR=blue]شعر- عطا الله ممدوح[/COLOR][/ALIGN]

[poem=font=\"Simplified Arabic,4,black,normal,normal\" bkcolor=\"\" bkimage=\"\" border=\"none,4,gray\" type=2 line=200% align=center use=ex length=0 char=\"\" num=\"0,black\" filter=\"\"]
الليلة المنفـى جنـاح غـراب=والحزن يسرجني علـى خيولـه
الضيقة أحيانا بـدون اسبـاب=تاخذ بصدري صولـة وجولـة
طال السفر يـا سكـة الغيـاب=ماعـادت الأريـاق مبلـولـة
ليل الشتاء قاسي وصبـري ذاب=كـن الثوانـي فيـه مشلولـة
سمّرت نظراتـي بثقـب البـاب=يمكن يلـوح الحلـم وآطولـه
يشق نوره فـي ظلامـي نـاب=وابني بصـدري للأمـل دولـه
بعض الهقـاوي مالهـا محـراب=حلـوة ولكـن غيـر مقبولـة
العذر لو يشفع لمن هـو غـاب=نوافـذ الشرهـات مقفـولـة
ياصاحبي صوتك (حديث اغراب)=ياقصـر همساتـه ويـا طولـه
مبحوح لكن يسـرق الألبـاب=بإحساسـه الصـادق ومدلولـه
طيّر من أغصان القصيد أسـراب=لـو كانـت الاحـلام مقتولـة
وانسج من خيوط السحاب ثياب=يشبهـك هتـانـه وهملـولـة
مادام عزمـك باقـي ٍ ماشـاب=الغـرس مايخذلـك محصـولـه
بس انت كافح وافعل الأسبـاب=يجيـك يـوم وتربـح الجولـة
يعني لاتحـزن والحيـاة كتـاب=لابد مـا تتعاقـب فصولـه
[/poem]