[ALIGN=LEFT][COLOR=blue]شعر- سامي الجارالله[/COLOR][/ALIGN]
عند الإشارة..
طفل واقف..
يابس الآمال ، ما يعْرف خَضَاره..
لو تمسّه أي شرارة..
شبّت بـ عجْزه حريقة!
جا يبيع الما..
وهو ما بلّ ريقه!!
جا لـ عند إثنين في سيّارة من آااخر موديل..
كان ثالثهم (صخب صوت الأغاني)..
يرقصون..
أقبل وطق النافذة..
مرّت ثواني..
ما دروا به!
عاد وطق النافذة..
وانتبه له واحد ونبّه خويّه:
لا يفوتك هـ الولد..
شف شكل ثوبه..
وسخ.. متشقق..
وشكله :
مزعج وغاوي أذيّة!
الخوي نزّل قزازه..
ثم صرخ زعلان.. قايل.. :
انقلع يالله هناااك!!
وخذ قواريرك معاك!!!
والتفت مستاء جداً :
ياخي ذولا شوّهوا معنى الحضارة!
وفْتحت خضرا الإشارة..
تْحرّكوا!
بس الطّفل واقف مكانه..
يابس الآمال مصفرّ بـ مرارة!!
