[ALIGN=LEFT][COLOR=blue]شعر- نادية المطيري[/COLOR][/ALIGN]
[poem=font=\"Tahoma,6,black,bold,normal\" bkcolor=\"\" bkimage=\"\" border=\"none,4,gray\" type=2 line=350% align=center use=ex length=0 char=\"\" num=\"0,black\" filter=\"\"]
يِمرْ الما علـى شفـاهْ اليبـاسْ وينبـت / النّسريـن=وامُـر البـالْ/ باحْلامـه غديـرْ وغيمـةٍ خَجْـلَـهْ
أَفِـكْ ازْرارَهـا يِتْلَعْثَـمْ بْهـذا الخجـل ( تشريـن)=أَفـزّز مـن عصافيـر الحكـي عصفـورهْ لأَجْلَـهْ
أسولِفْلَهْ عن أحْلامي عن احْزاني عـن ال / تّكويـن=عن أوّل دمعـةٍ هـزّت عُيونـي وِحْـدَرَتْ عَجْلَـهْ
أَشَكّـلْ مـن تراتيـل الغـلا / معزوفـة التّلـويـن=ألوّن في شَغَبْ طفله /أَضِـجْ احسـاسْ مـن أَجْلَـهْ
تعـال بْشرفـةْ ضْلوعـي/ تعـال وْطَيّـرْ التّخْميـن=وِخَلّـكْ جانبـي مِثْـلَ الفَـرَحْ تَعْويـذَهْ بْ حِجْـلَـهْ
تعالْ وْشاغب احْساسـي ولاتسـأَلْ / مِدانـا ويـن؟=مـادام الطّهْـر يِتْمَرْجَـحْ مابيـن ظْروفِنـا الوَجْلَـهْ
تعـالْ الطّفـل واجيلِـكْ بـراءهْ تِسْتِـفِـزْ الطّـيـن=تعـال وْغَمّـضْ عيونـي وِغرّقنـي كمـا / دِجْلَـهْ
وِتِسْأَلْ :مين انا ؟ ..واضْحك : تِصدّق ماعرفتك مين!!=وتضحك / تفتح عيوني :أحبك مـوت يـا ( نَجْلَـهْ )
تِوَحّشْـتْ التّفاصيـل الصّغـيـرة بينـنـا الاثنـيـن=تعـال امْـلا تفاصيلـي / حكايـا معشبـة هَجْـلَـهْ
تعال انبـتْ علـى شفـاه اليبـاس وعلّـم النّسْريـن=بِأَنْ الصّدق بِعْيونـك / قميـصْ الغيـم / يُنسَـجْ لَـهْ
[/poem]
